آد قویما داستانی

هه! عزیز اوخویانلار!

دئمه لییم کی بیر گون خبر چیخدی اوشاق موشاق قضیه سی وار! (اوشاق اوشاق دی به موشاق ندی؟!)

هه! مامام باشلادی دده مین دده سین یاندیر ماغا کی تئز اول اوشاغا آد قوی ...

هه! عزیز اوخویانلار!

دئمه لییم کی بیر گون خبر چیخدی اوشاق موشاق قضیه سی وار! (اوشاق اوشاق دی به موشاق ندی؟!)

هه! مامام باشلادی دده مین دده سین یاندیر ماغا کی تئز اول اوشاغا آد قوی ...

 ایلک گونلرده دده م ماما دئییردی کی دایان گورک قیزدی یا اوغلان و مامام دا الچکمیردی کی هوکمانا گرک آد قویاق، قیز اولسا آدی نه اولسون و اوغلان اولسا آدی نه اولسون.

دده م ده شوخلوق اوچون بیر گون دئدی کی: قیز اولسا آدی مارال و اوغلان اولسا آدی آرال (البته بولاری آیری یئرده ن اوغورلامیشدی!) و مامام دا دئدی کی بولار نه آدی دی! کوهنه آددیلار! نم کندیمیزده هانچی آروادین آدی مارالدی و ...

گون او گون اولدی کی بیلیندی من قیزام! 

دده م دئدی آدین جیران قویاق. آهان! های قوپدو! مامام دئدی او نه آددی، 

دئمه یینه ن مامامین ایش بیری (همکاری) گلن موشتریه دئییر جیران!

دده مین الینه بهانه وئرمیشدی! دده م ده آجیخدان هرده ن دئییردی:"جیرانین ماماسی!"

البته دده مده بیرآز نامردلیق ائلییب و مامامین سوزونو شوخلوغا توتورموش!

بو آرادا دده م اینترنت ده قیزآدلارین آختاریب و آد سئچیرمیش. نئچه سئریده ماماما دا دئییرمیش کی او دا باخا.

آنجاق باش آغریسی وئرمییم. نئچه سری بحث و بررسی و جلسه ده ن سورا بیر سیرا آد سئچیلدی کی نئچه سین بوردا گتیریرم:

ساناز

سانای

آیشن

ائل آی

...

کی بولارین ایچینن "سانای" آدی سئچیلدی!

دئمه لییم بو آرادا مامامین دده سی "رقیه" آدی و دده مین دده سی "فاطمه" (آناسینین آدی) وئرمیشدیلر.